O paro, concello a concello

En setembro de 2012 había en Galicia 259.373 persoas no paro rexistrado, o 14,3 % da poboación de 15 a 64 anos. En setembro de 2025 eran 113.085, o 6,7 %, e en 2026, 112.437. A taxa baixou en 309 dos 313 concellos. Entre os de máis de mil veciños de 15 a 64 anos, onde máis pesa o paro en 2025 é en Verín (12,0 %); onde menos, en Pastoriza (2,8 %). Busca o teu concello.

Setembro a setembro

Parados rexistrados en setembro de cada ano, en índice (2012 = 100). Cada liña fina é un concello de máis de 1.000 habitantes de 15 a 64 anos.

Ver os datos

SEPE, paro rexistrado por municipios, setembro de 2012 a setembro de 2026. IGE, poboación por grupos quinquenais de idade (Censo de 2011 e censo anual a 1/1/2025, INE). A taxa é o paro rexistrado dividido pola poboación de 15 a 64 anos: o IGE só publica grupos de cinco anos para os concellos pequenos, así que o denominador inclúe os de 15 anos, que non poden estar no paro. Non é a taxa de paro da EPA (parados sobre poboación activa), que sempre sae máis alta. A de 2012 usa a poboación do Censo de 2011 e a de 2025, a de xaneiro de 2025. O paro rexistrado conta as persoas inscritas como demandantes nas oficinas de emprego sen traballo; non inclúe quen non se inscribe. Setembro sempre, para non mesturar a estacionalidade do verán. Fundación Galicia Sustentable · Licenza CC BY-NC-SA 4.0.