Divulga

Que precisaría Galicia para chegar ao carbono neto cero en 2040?

A Lei 1/2026 do clima de Galicia fixa a neutralidade climática en 2040, dez anos antes que a UE. Esta peza adapta a Galicia a folla de ruta que Information is Beautiful debuxou para os Estados Unidos: canto emitimos, canto absorbe o monte e que ten que cambiar en cada sector.

menos emisiónstransporte, gandaría, industria
máis eficienciavivendas rehabilitadas, menos quilómetros
electricidade limpavento, auga e sol substituíndo o petróleo
sumidoiros fortesmonte e solos que absorben CO₂ e non arden

O punto de partida · 2024

Galicia xa absorbe máis da metade do que emite

En 2024 emitimos 16,6 millóns de toneladas de CO₂ equivalente. O monte e os solos retiraron arredor de 9,6. Sobre o papel, faltan só 7 millóns de toneladas para o cero neto. O problema é que esa absorción é fráxil: os lumes do verán de 2025 emitiron unha cantidade similar á que o monte absorbe nun ano.

7,0 Mt

emisións netas en 2024, un 68,5 % menos que en 1990. A lei esixe non pasar de ≈5,9 Mt netas en 2030 (−75 % sobre 1990).

−9,6 Mt

absorción anual do sector forestal e dos usos do solo (LULUCF), case o dobre que en 1990.

≈9,6 Mt

emitidas polos lumes do verán de 2025 segundo Copernicus: un ano enteiro de absorción perdido nunhas semanas.

Folla de ruta por sectores

Que ten que pasar entre hoxe, 2030 e 2040

Cada fila compara a situación actual co que faría falta para cumprir a lei. Os valores de hoxe son datos oficiais; os de 2030 e 2040 son estimacións da FGS, marcadas cun subliñado punteado.

sector · que
hoxe
2030
2040
nota

O balance en 2040

De 16,6 a menos de 5,5 millóns de toneladas

Un escenario ilustrativo: se cada sector fai o que indica a folla de ruta, Galicia emitiría arredor de 5,3 Mt brutas en 2040, sobre todo da gandaría, que non pode chegar a cero. Para compensalas abonda cun sumidoiro máis pequeno ca o actual, sempre que non arda.

Catro claves galegas

Por que Galicia ten vantaxe, e onde pode tropezar

A electricidade xa é case limpa

O 82 % da potencia instalada é renovable e Galicia exporta electricidade. Co peche das Pontes en 2023, as emisións eléctricas caeron á metade nun ano. O reto agora é usar esa electricidade no lugar do gasóleo: nos coches, nas calefaccións e na industria.

O transporte é o sector que non baixa

Leva desde 2012 en torno a 5 Mt anuais e en 2024 xa supuxo o 30 % do total, un 56 % máis que en 1990. Nun territorio de poboación dispersa, o coche eléctrico non abonda: fai falta transporte público rural á demanda e ferrocarril para as mercadorías.

A gandaría é a emisión residual

A agricultura e a gandaría emiten arredor de 3,7 Mt, un 18 % máis que en 1990, sobre todo metano das vacas e dos xurros. Biodixestores, cubrir balsas e máis pastoreo reducen parte, pero o sector seguirá emitindo. Iso fai do sumidoiro unha peza imprescindible.

O sumidoiro depende do rural vivo

O monte absorbe 9,6 Mt ao ano, pero só se non arde. Manter a absorción pide xestión forestal activa, mosaico agroforestal, frondosas e solos con carbono. É dicir, xente vivindo e traballando no rural.

Método e fontes

De onde saen os números

Como se estimou. O desglose sectorial de 2024 combina os totais do Ogacli (16,59 Mt brutas; 7,02 Mt netas) coas porcentaxes e variacións que publica por sector. O sector «enerxía» inclúe centrais térmicas e refinaría; «edificios e primario» calcúlase por diferenza. Os obxectivos de 2030 e 2040 son estimacións da FGS: parte proporcional galega (5,6 % da poboación española) dos obxectivos do PNIEC 2023-2030 e unha senda lineal cara á neutralidade de 2040. Non son previsións oficiais.