Menos abandono, máis títulos

En 2025, o 10,4 % dos mozos galegos de 18 a 24 anos deixara os estudos sen pasar da ESO, menos da metade ca en 2008 (23,6 %): é a 6ª comunidade con menos abandono das 18 con dato, aínda por riba da media da UE (9,1 %). E o 53,3 % dos de 25 a 34 anos ten estudos superiores, por riba da media europea (44,8 %): posto 29 de 184 rexións.

O abandono temperán nas comunidades, 2008 → 2025

% de mozos de 18 a 24 anos que deixaron os estudos sen pasar da ESO e non se forman. Ordenadas polo valor de 2025.

Ver os datos (* mostra pequena no último ano)

Eurostat, Enquisa de Poboación Activa da UE (LFS): abandono temperán da educación e formación por rexión NUTS 2 (edat_lfse_16) e poboación de 25-34 anos por nivel de estudos e rexión (edat_lfse_04), 2008-2025 (actualización do 10/09/2026). Abandono temperán: % de persoas de 18 a 24 anos que como moito completaron a primeira etapa de secundaria (ESO) e non seguiron ningunha formación nas catro semanas anteriores. Estudos superiores: niveis ISCED 5-8 (FP de grao superior, grao, mestrado e doutoramento). Os obxectivos da UE para 2030 son menos do 9 % de abandono e polo menos un 45 % de titulados superiores entre 25 e 34 anos. Son datos dunha enquisa: nas rexións pequenas varían bastante dun ano a outro, e os puntos baleiros teñen fiabilidade baixa (marca «u» de Eurostat) no último ano. Hai 184 rexións con ambos datos en 2025; faltan as que Eurostat non publica por mostra insuficiente (a maior parte das polacas, Ceuta e outras). Fundación Galicia Sustentable · Licenza CC BY-NC-SA 4.0.