A costa estirada

Estirada en liña recta, a costa galega mide 1.498 km segundo o IGN, sen contar as illas: a segunda máis longa de España despois da de Canarias e a máis longa da Península. Se se segue o deslinde legal polas rías e se suman as illas, son 1.895 km (a segunda máis longa, tras Andalucía). É unha costa de país: entre a de Portugal (1.793 km) e a de Irlanda (1.448 km) no World Factbook, aínda que cada fonte mide cunha vara distinta.

As comunidades costeiras, en liña recta

Galicia fronte a Europa

Lonxitude da costa de cada país segundo o World Factbook, cunha marca cada 1.000 km. Galicia vai á parte e con trazo discontinuo porque se mide con outra vara (IGN) e non é directamente comparable.

O paradoxo da costa

A lonxitude dunha costa non é un número fixo: canto máis fina é a vara coa que se mide, máis entrantes, rías e illas entran na conta, e máis longa sae. A mesma costa, varias cifras oficiais.

Ver os datos

Comunidades: IGN, lonxitude da costa por provincias (INE, Anuario Estadístico de España 2008, táboa 1.1.3; sen illas nin illotes nas provincias peninsulares, polo que Galicia non inclúe Arousa, Ons, Sálvora nin Cíes; Sevilla non ten costa nesta medida). MITECO, Dirección General de la Costa y el Mar, lonxitude do dominio público marítimo-terrestre por provincia (Anuario de Estadística 2017 do MAPA, táboa 9.3), que segue o deslinde legal polas rías, esteiros e ríos ata onde chega a marea, e inclúe as illas. Países: CIA, The World Factbook, «Coastline» (última edición, copia arquivada en febreiro de 2026; inclúe illas; para Francia úsase só a metropolitana). As tres fontes miden con escalas distintas, así que só son comparables as cifras dentro de cada fonte. Fundación Galicia Sustentable · Licenza CC BY-NC-SA 4.0.