Os que medran e os que se baleiran

Galicia ten 2.713.169 habitantes (2025), un 4 % máis ca no censo de 1950. Pero só 77 dos 313 concellos teñen hoxe máis xente, e 156 perderon máis da metade: Oleiros multiplicou a súa poboación por 3,7, e A Veiga quedou co 14 % da que tiña. Busca o teu concello.

Os 313 concellos en fila, do que máis perdeu ao que máis gañou

Cada barra é un concello. A liña do medio é a poboación que tiña en 1950; a escala é logarítmica, así que perder a metade e duplicar quedan á mesma distancia.

Ver os datos

INE, Alteraciones de los municipios en los Censos de Población desde 1842 (poboación de feito do censo de 1950 e dos censos de 1900 a 1991; poboación de dereito ou residente de 2001, 2011 e 2021) e INE, Padrón municipal, cifras oficiais a 1 de xaneiro de 2025 (táboas 2868, 2880, 2885 e 2890). Compárase a poboación de feito de 1950 (a presente o día do censo) coa empadroada en 2025: non son exactamente o mesmo, e en 1950 a emigración temporal facía que nalgúns concellos houbese menos presentes ca veciños. Todo vai co termo municipal actual: Oza-Cesuras e Cerdedo-Cotobade suman os seus dous concellos de 1950; Santiago, Baralla, A Pontenova, Celanova e Pontevedra inclúen os municipios que absorberon despois (Enfesta, Neira de Xusá, Puente Nuevo e Villaodrid, Acevedo do Río e Ponte Sampaio). Catro pares que se separaron ou cambiaron termo despois de 1950 compáranse xuntos e cada un dos dous leva a cifra común: Ortigueira e Cariño, Cervo e Burela, Vilanova e A Illa de Arousa, Ribadavia e Carballeda de Avia. Fundación Galicia Sustentable · Licenza CC BY-NC-SA 4.0.