Moitos coches, poucos enchufes

Galicia ten 593 turismos por cada 1.000 habitantes, a terceira cifra máis alta de 19 comunidades e cidades autónomas (España: 520). Pero só o 1,3 % do seu parque leva a etiqueta CERO, fronte ao 2,5 % de España, e un 28,7 % non ten ningunha. O que entra vai máis rápido: o 16,3 % dos turismos matriculados en 2025 en Galicia eran CERO (España: 18,1 %).

O que circula e o que entra

Porcentaxe de turismos con etiqueta CERO (eléctricos, híbridos enchufables con máis de 40 km de autonomía eléctrica e de hidróxeno), no parque a 31/12/2025 e entre os matriculados en 2025.

Turismos por cada 1.000 habitantes

O parque, por etiqueta ambiental

Reparto dos turismos de cada comunidade segundo a etiqueta da DGT, ordenado polos que non teñen ningunha (en xeral, gasolina anterior a 2001 e diésel anterior a 2006).

Ver os datos

DGT, Parque de vehículos. Tablas estadísticas 2025 (táboa 82, parque de turismos por provincia e distintivo ambiental, a 31 de decembro) e Matriculaciones. Tablas estadísticas 2025 (táboa 42, turismos matriculados por distintivo; táboa 41, renting). Poboación: INE, Estatística continua de poboación a 1/1/2026. A etiqueta CERO non distingue entre eléctricos puros e híbridos enchufables; os enchufables con menos de 40 km de autonomía levan a ECO, igual ca os híbridos sen enchufe e os de gas. A DGT asigna cada vehículo á provincia do domicilio do titular: as empresas de renting e as flotas de aluguer matricúlanse sobre todo en Madrid (o 88,0 % dos turismos de renting de 2025), o que infla alí as matriculacións e a cota de CERO e rebaixa a do resto. Fundación Galicia Sustentable · Licenza CC BY-NC-SA 4.0.