Chove, pero hai sol

Vigo recolle 1.696 litros por m² ao ano, 2,8 veces o que cae en Londres. Pero as seis cidades galegas teñen entre 1.896 e 2.290 horas de sol, máis ca Londres, París, Bruxelas, Ámsterdam, Dublín ou Berlín. Os días de choiva non son moitos máis (126 en Vigo, 112 en Londres); o que cambia é canta auga cae cada un: 13,4 l/m² fronte a 5,5. Normais climatolóxicas 1991-2020.

Moitos litros, non tantos días

Días de choiva ao ano (con 1 mm ou máis) e, á dereita, os litros por metro cadrado que caen de media cada un deses días.

Ver os datos

Normais climatolóxicas 1991-2020. OMM, WMO Climate Normals 1991-2020, arquivadas por NOAA NCEI (accesión 0253808; ficheiros compostos de precipitación, días con ≥ 1 mm e horas de sol), co que envía cada servizo meteorolóxico nacional: AEMET para as cidades españolas, Met Office, Météo-France, DWD, KNMI, MET Norway, Met Éireann, etc. Portugal non enviou as súas normais á OMM: Lisboa e Porto saen das fichas 1991-2020 do IPMA, que non inclúen o sol. Cada cidade está representada por un único observatorio (Santiago: Lavacolla; Vigo: Peinador; Lugo: Rozas; Londres: Heathrow; Dublín: Casement…), que pode estar fóra da cidade e a outra altitude. Os días de choiva de Alemaña non se mostran porque o DWD enviou como «días con ≥ 1 mm» o reconto de días con ≥ 0,1 mm. Fundación Galicia Sustentable · Licenza CC BY-NC-SA 4.0.